નથી દીઠો પણ જાણું છું કે હરજી લાગે કેવો / અશરફ ડબાવાલા

70 - નથી દીઠો પણ જાણું છું કે હરજી લાગે કેવો / અશરફ ડબાવાલા

નથી દીઠો પણ જાણું છું કે હરજી લાગે કેવો.

દર્પણમાં જોઉં તો મારી કીકીથીય સવાયો,

પરપોટાની અંદર હરજી પાણીનો પડછાયો;

પગલાં અંદર જોઈ શકો તો લાગે પગની જેવો.

..... નથી દીઠો પણ..

આંખો સમજે મોરપિચ્છ ને મનને ટહુકો લાગે,

આંગળીઓમાં અક્ષર થઈને કાગળિયામાં જાગે;

શમણાનું પીતાંબર પહેરી સવાર લાગે એવો.

..... નથી દીઠો પણ..