12 - શબ્દ એકેએક મંતર થઈ ગયો / મધુમતી મહેતા
શબ્દ એકેએક મંતર થઈ ગયો,
ને સજીવન એક પથ્થર થઈ ગયો.
આગિયાને સૂર્ય સમજીને અરે !
દીપ હોલવવાને તત્પર થઈ ગયો.
થઈ ગયો શોભાનું પૂતળું એ પછી,
કોઈ છત્રીમાંથી છત્તર થઈ ગયો.
જ્યાં ધરા સાથે મિલાવું હાથ ત્યાં,
વૃક્ષ માફક હુંય સધ્ધર થઈ ગયો.
ના રહ્યો ઘરનો રહ્યો ના ઘાટના,
જે જમીનથી વેંત અધ્ધર થઈ ગયો.
ને સજીવન એક પથ્થર થઈ ગયો.
આગિયાને સૂર્ય સમજીને અરે !
દીપ હોલવવાને તત્પર થઈ ગયો.
થઈ ગયો શોભાનું પૂતળું એ પછી,
કોઈ છત્રીમાંથી છત્તર થઈ ગયો.
જ્યાં ધરા સાથે મિલાવું હાથ ત્યાં,
વૃક્ષ માફક હુંય સધ્ધર થઈ ગયો.
ના રહ્યો ઘરનો રહ્યો ના ઘાટના,
જે જમીનથી વેંત અધ્ધર થઈ ગયો.
0 comments
Leave comment