26 - ઝેરી કાળોતરો / વિનોદ જોશી
ઝેરી કાળોતરો ડંખે રે !
કાંઈ મીઠો લાગે કાંઈ મીઠો લાગે
મારી આરપાર શેરડીનો સાંઠો,
આરપાર શેરડીનો સાંઠો રે લોલ...
વેણીનાં ફૂલ જેવી ભરડાની ભીંસ
ભીતરમાં ભંડારી લોહીઝાણ ચીસ;
પીડા ઘેઘૂર મને રંગે રે !
કાંઈ ફોરી લાગે કાંઈ ફોરી લાગે !
હજી તાણો આ રેશમની ગાંઠો
તાણો આ રેશમનીગાંઠો રે લોલ...
વાદીડે કેમ કર્યા મહુવરના ખેલ ?
રાફડામાં પૂર્યા કઈ લીલાં દીવેલ !
નીતરતું ઘેન મારે અંગે રે !
કાંઈ ભીનું લાગે કાંઈ ભીનું લાગે !
મારે છલકાવું કેમ ? નથી કાંઠો,
છલકાવું કેમ ? નથી કાંઠો રે લોલ...
કાંઈ મીઠો લાગે કાંઈ મીઠો લાગે
મારી આરપાર શેરડીનો સાંઠો,
આરપાર શેરડીનો સાંઠો રે લોલ...
વેણીનાં ફૂલ જેવી ભરડાની ભીંસ
ભીતરમાં ભંડારી લોહીઝાણ ચીસ;
પીડા ઘેઘૂર મને રંગે રે !
કાંઈ ફોરી લાગે કાંઈ ફોરી લાગે !
હજી તાણો આ રેશમની ગાંઠો
તાણો આ રેશમનીગાંઠો રે લોલ...
વાદીડે કેમ કર્યા મહુવરના ખેલ ?
રાફડામાં પૂર્યા કઈ લીલાં દીવેલ !
નીતરતું ઘેન મારે અંગે રે !
કાંઈ ભીનું લાગે કાંઈ ભીનું લાગે !
મારે છલકાવું કેમ ? નથી કાંઠો,
છલકાવું કેમ ? નથી કાંઠો રે લોલ...
0 comments
Leave comment