15 - કહે તો ખરો ! / હરજીવન દાફડા
તને શી કમી છે, કહે તો ખરો !
નજર કાં નમી છે, કહે તો ખરો !
સ્વયં ગૂંચવાઈ ગયો શીદને ?
રમત કઈ રમી છે, કહે તો ખરો !
ફના થઇ જવાની ઘણી રીત છે,
તને કઈ ગમી છે, કહે તો ખરો !
હજી પણ મુકામે પહોંચી નથી,
સફર ક્યાં થમી છે, કહે તો ખરો !
તને શોધવા મોકલેલો તને,
કશી બાતમી છે ? કહે તો ખરો !
નજર કાં નમી છે, કહે તો ખરો !
સ્વયં ગૂંચવાઈ ગયો શીદને ?
રમત કઈ રમી છે, કહે તો ખરો !
ફના થઇ જવાની ઘણી રીત છે,
તને કઈ ગમી છે, કહે તો ખરો !
હજી પણ મુકામે પહોંચી નથી,
સફર ક્યાં થમી છે, કહે તો ખરો !
તને શોધવા મોકલેલો તને,
કશી બાતમી છે ? કહે તો ખરો !
0 comments
Leave comment