46 - અટકી ગયું / હરજીવન દાફડા
મેરના મણકે રટણ અટકી ગયું,
બે ઘડી મનનું ભ્રમણ અટકી ગયું.
તોય પંડિતાઈ ના અટકે હજી,
પીઠ પાછળ આચરણ અટકી ગયું.
કેમ અનુભવની કથા આગળ લખું ?
શબ્દનું જ્યાં અવતરણ અટકી ગયું.
ઝાંઝવાનો અર્થ સમજાયો હશે ?
કે પછી અમથું હરણ અટકી ગયું !
પાંસળી નીચે કશી હલચલ નથી,
શ્વાસ લેવાનું વલણ અટકી ગયું ?
બે ઘડી મનનું ભ્રમણ અટકી ગયું.
તોય પંડિતાઈ ના અટકે હજી,
પીઠ પાછળ આચરણ અટકી ગયું.
કેમ અનુભવની કથા આગળ લખું ?
શબ્દનું જ્યાં અવતરણ અટકી ગયું.
ઝાંઝવાનો અર્થ સમજાયો હશે ?
કે પછી અમથું હરણ અટકી ગયું !
પાંસળી નીચે કશી હલચલ નથી,
શ્વાસ લેવાનું વલણ અટકી ગયું ?
0 comments
Leave comment