66 - નુસખામાં / લક્ષ્મી ડોબરિયા
ખાલીપો ખાળવાના નુસખામાં,
જે ભર્યું તે મળ્યું છે પડઘામાં.
થઈ ગયું શું આ જોતજોતામાં ?
તું જ દેખાય છે અરીસામાં.
તારા હોવાની થઈ છે અવગણના,
એ ! ઉદાસી , સમજ ઈશારામાં.
તું કસોટી કરે છે તો જાણ્યું,
કે, છે શ્રદ્ધા તને ય મારામાં.
પાંખ તો ગૌણ હોય છે અહિંયા,
તારી ઓળખ છે, તારા ટહૂકામાં.
મેં સમય સાચવ્યો સહજતાથી,
ક્યાંક મુઠ્ઠીમાં , ક્યાંક ખોબામાં.
એમ મ્હોરી ઉઠું છું, તમને જોઈ,
જાણે કે ગુલમહોર તડકામાં.
જે ભર્યું તે મળ્યું છે પડઘામાં.
થઈ ગયું શું આ જોતજોતામાં ?
તું જ દેખાય છે અરીસામાં.
તારા હોવાની થઈ છે અવગણના,
એ ! ઉદાસી , સમજ ઈશારામાં.
તું કસોટી કરે છે તો જાણ્યું,
કે, છે શ્રદ્ધા તને ય મારામાં.
પાંખ તો ગૌણ હોય છે અહિંયા,
તારી ઓળખ છે, તારા ટહૂકામાં.
મેં સમય સાચવ્યો સહજતાથી,
ક્યાંક મુઠ્ઠીમાં , ક્યાંક ખોબામાં.
એમ મ્હોરી ઉઠું છું, તમને જોઈ,
જાણે કે ગુલમહોર તડકામાં.
0 comments
Leave comment