17 - વિદાય / દિલીપ જોશી


જ્યારે ખુશ્બૂની ઠેસ મને વાગશે !
હું તો વીખરાતી ધૂળ
મારું ક્યાં છે રે મૂળ ?
કોઈ ફૂલોના સરવાળા માંડશે....

ભર્યું-ભાદર્યું ઘર હાથ ઝાલશે
એનું ખટકે છે વ્હાલ
કંકુવરણું હો ભાલ !
કોઈ ચોમાસું આંખોમાં આંજશે ......

તેજે – તેજે તોખાર શ્વાસ ચાલશે
ચાલ્યું સગપણ વિદેશ
લઈ અંધારો વેશ
કોઈ પગલાંમાં બેડિયું બંધાવશે .....

સુક્કી પાંપણથી જન્મારો ઝારશે
ભવનું કણસે એકાન્ત
એવી વસમી છે વાત
કોઈ પોતાનો પડછાયો દાગશે......



0 comments


Leave comment