61 - સુપ્રભાતે / દિલીપ જોશી


સૂરજનો ચ્હેરો ઝાકળની તાસકમાં ઢોળાય
પળેપળ અજવાળું રેલાય
પળેપળ અજવાળું રેલાય......

તડકો માથે મૂકી બેડા પાદરમાં ભીંજાય
પછી પાણિયારે આખુંયે તળાવ આવી જાય
ચેતનવંતુ રેશમ ફળિયે – ફળિયામાં પથરાય

પળેપળ અજવાળું રેલાય
પળેપળ અજવાળું રેલાય.....

ઓઢણીઓના ઇન્દ્રધનુષથી રસ્તાઓ ઉભરાય
રંગરંગના પગરવ લઈને ઘર, ઉંબર મલકાય
ખિલખિલતું આકાશ અચાનક ખોબામાં ઝિલાય

પળેપળ અજવાળું રેલાય
પળેપળ અજવાળું રેલાય.........



0 comments


Leave comment