1.2 - ગિરધર કાવ્યો (૨) / મહેન્દ્ર જોશી


હોય ભલે ને ગ્યાની ગણતર
પ્રેમ વિના નહિ પરણું ગિરધર

નહિ ફાગણ કે નહિ સૂડાનો
રંગ ન જાણે કેસૂડાનો

વનમાળીને કહૂં વાણોતર-
પ્રેમ વિના નહિ પરણું ગિરધર

હસી હસીને જગવું જયોતિ
વારી દઉં રે અખિયન મોતી

તો ય ન ઝાંખે ઢાઈ અખ્ખર
પ્રેમ વિના નહિ પરણું ગિરધર

છો પહેરાવે ચંદન ચૂડી-
પ્રેમ પદારથ મોંઘી મૂડી

ખોટ ભલે હો નહિ લઉં વળતર
પ્રેમ વિના નહિ પરણું ગિરધર

૧૮/૫/૦૪


0 comments


Leave comment