૨૩ - બ્રેક / રમેશ આચાર્ય


વાંચે છે બધાં.
ઘરની ગૃહિણી ગાયત્રી-દર્શન વાંચે,
વાંચતા વાંચતા વચ્ચે બ્રેક પાડે.
ફળીની વંડી પરના ફંડામાં
પક્ષીઓ માટે પાણીભરે.
પુત્ર વાણિજ્ય વિષયનું સામયિક વાંચે,
વાંચતા વાંચતા વચ્ચેબ્રેક પાડે.
તેનાશેર-બ્રોકરનેમોબાઈલકરી
તેના શેર વિષે કંઈક સૂચના આપે.
પૌત્ર બાળ-સામયિક વાંચે,
વાંચતા વાંચતા વચ્ચે બ્રેક પાડે.
ટી.વી.ની ડિસ્કવરી ચેનલ ચાલુ કરે.
હું સાહિત્યનું સામયિક વાંચું,
વાંચતા વાંચતા વચ્ચે બ્રેક પાડું.
મોટા કૂતરાએ ચૂંથી નાખેલા
મારી શેરીના ગલૂડિયાની
સારવાર કરું.



0 comments


Leave comment