સાંજલટાર પછી / રાવજી પટેલ

25 - સાંજલટાર પછી / રાવજી પટેલ

તાળું ખોલું ને લાલ છુટ્ટી ઘરમાંથી સાંજ

છોળબોળ નવડાવ્યો રેલાવ્યો

ભીંતમાંથી છૂટ્યા સુગંધ રંગ ઘોડા

રવાલગીત વાયુના કાંગરા કૂદ્યાં....

મનુષ્યના દીવા

કે બારણે આવી હો મોગરાની ગાયો

આ અંધકાર મહુડાની જેમ મસ ફાલ્યો !

હું ઘરમાં પેઠો;

ઝબક દઈ ઝાલ્યો

કે ઘૂંટડા જેવા હજાર હાથ પીતો

હું આંખ મારી ખોલું

પતાળપાણી ડ્હોળું - હું આળોટું શય્યા પર.

રોમ રોમ

દારૂનાં ફૂલ ખીલી ઊઠયાં,

ને સૂતેલું ઘેન ઝબ જાગ્યું.

હડુડ દેઈ ભાગ્યું કે ઘર મારું ભાગ્યું.