1.25 - લીલું તો નથી ને ? / વિવેક કાણે ‘સહજ’
તોરણ જે ઉતારો છો, એ લીલું તો નથીને ?
સંકેલો છો જે સ્વપ્ન, એ ભીનું તો નથીને ?
આ મોડસઑપરેન્ડી તો એની જ છે નક્કી
હથિયાર કતલનું જુઓ પીછું તો નથીને ?
સરખું છે અમારું, કે તમારું, કે બધાનું
દુઃખોનું તપાસો, કોઈ બીબું તો નથીને ?
નીકળ્યા જ કરે નિત્ય નવાં સ્વપ્ન નિરંતર,
પલકોની પછીતે કોઈ ખિસ્સું તો નથીને ?
જમ્યા, અને જીવ્યા, ને પછી મોતને ભેટ્યા
આયુષ્ય ‘સહજ’, એટલું સીધું તો નથીને ?
0 comments
Leave comment