ના તરછોડો/ સંજુ વાળા

3.12 - ના તરછોડો/ સંજુ વાળા

અધવચ ના તરછોડો

કોઈ કંઠનો હાર બનીને છોને મ્હાલે

અમે રહીશું થઈને પગનો તોડો.

જી... અધવચ ના તરછોડો.

છાને ખૂણે પાળી–પોષી અમે ઉછેર્યું મબલખ,

એ મબલખની માથે ઊગ્યાં અણધાર્યા આ દ:ખ.

કેમ છોડીએ વાળે વાળે વાત પરોવી

કચકચાવી બાંધ્યો જે અંબોડો!

રે... અધવચ ના તરછોડો!

હજુ લોહીમાં રણઝણ થાતાં હાથ મળ્યાનાં કંપન,

એ કંપનના શરમશેરડા થયા આંખનું અંજન

ભરી તાંસળી દો છુટકારો એ જ હાથથી