79 - મોઢે કરચલી દેખા દીધી ને હું ભડકી / મધુમતી મહેતા
મોઢે કરચલી દેખા દીધી ને હું ભડકી,
ધીરે ધીરેક મેં તો પંપાળ્યા ગાલ પછી,
આયનાને લીધું મેં અડકી.
વેગીલી સાંઢણીના રૂડા અસવાર,
તમે ધીરા પડીને વાત કરજો;
નાનીશી ઠેશ અને લાંબા છે ખાટલા,
ને લાંબી રાતુંને યાદ કરજો;
બાટલા ને ખાટલા ને ખિદમતમાં ખાલીપો,
અંધારાં આંખે ગ્યાં અટકી.
મોઢે કરચલી દેખા દીધી ને હું ભડકી.
કૂણી કરચલીને ક્રીમમાં ઢબૂરી,
ને મેકઅપની દીધી છે આણ;
નજરુંને સાબદી કીધી ને કોને છે
મોતિયા ઉતાર્યાની જાણ;
ડાળના બટકવાની તૂટેલી ચીસ સાલી,
થઈને ધજાગરો ફરકી.
મોઢે કરચલી દેખા દીધી ને હું ભડકી.
ધીરે ધીરેક મેં તો પંપાળ્યા ગાલ પછી,
આયનાને લીધું મેં અડકી.
વેગીલી સાંઢણીના રૂડા અસવાર,
તમે ધીરા પડીને વાત કરજો;
નાનીશી ઠેશ અને લાંબા છે ખાટલા,
ને લાંબી રાતુંને યાદ કરજો;
બાટલા ને ખાટલા ને ખિદમતમાં ખાલીપો,
અંધારાં આંખે ગ્યાં અટકી.
મોઢે કરચલી દેખા દીધી ને હું ભડકી.
કૂણી કરચલીને ક્રીમમાં ઢબૂરી,
ને મેકઅપની દીધી છે આણ;
નજરુંને સાબદી કીધી ને કોને છે
મોતિયા ઉતાર્યાની જાણ;
ડાળના બટકવાની તૂટેલી ચીસ સાલી,
થઈને ધજાગરો ફરકી.
મોઢે કરચલી દેખા દીધી ને હું ભડકી.
0 comments
Leave comment