51 - હું સ્મરણના શ્વાસમાં ખોવાઈ જઉં / મનોજ ખંડેરિયા
હું સ્મરણના શ્વાસમાં ખોવાઈ જઉં
પળના બાહુપાશમાં ખોવાઈ જઉં
હું મને અંધારાના રસ્તે મળ્યો,
હું હવે અજવાસમાં ખોવાઈ જઉં
તેજની એવી મને લાગી તરસ-
હું સૂરજની પ્યાસમાં ખોવાઈ જઉં
કોઈના હળવાં પડ્યાં પગલાં સમો,
હું સમયના ઘાસમાં ખોવાઈ જઉં
કોઈ ખેંચી લ્યો ક્ષિતિજ પરથી મને,
હું નર્યા આભાસમાં ખોવાઈ જઉં
પળના બાહુપાશમાં ખોવાઈ જઉં
હું મને અંધારાના રસ્તે મળ્યો,
હું હવે અજવાસમાં ખોવાઈ જઉં
તેજની એવી મને લાગી તરસ-
હું સૂરજની પ્યાસમાં ખોવાઈ જઉં
કોઈના હળવાં પડ્યાં પગલાં સમો,
હું સમયના ઘાસમાં ખોવાઈ જઉં
કોઈ ખેંચી લ્યો ક્ષિતિજ પરથી મને,
હું નર્યા આભાસમાં ખોવાઈ જઉં
0 comments
Leave comment