7 - એક પીળક પરોઢે બોલે છે / મનોજ ખંડેરિયા
એક પીળક પરોઢે બોલે છે
મારી નીંદરની ડાળ ઠોલે છે
કોઈ ઊભું બહાર દરવાજે
એ જ અંદરથી દ્વાર ખોલે છે
એક ગમતી ગલી ઉઠાવી લે !
ગામ આખું ચડેલું ઝોલે છે
આંખ તગતગતી લીલી ઇચ્છાની
હા, હજી કોઈ આ બખોલે છે
મૂકી પારેવું સામે પલ્લામાં
આ રીતે કોણ મુજને તોલે છે ?
શ્વાસના ધારદાર ચપ્પુથી
આ હવા મારું હોવું છોલે છે
મારી નીંદરની ડાળ ઠોલે છે
કોઈ ઊભું બહાર દરવાજે
એ જ અંદરથી દ્વાર ખોલે છે
એક ગમતી ગલી ઉઠાવી લે !
ગામ આખું ચડેલું ઝોલે છે
આંખ તગતગતી લીલી ઇચ્છાની
હા, હજી કોઈ આ બખોલે છે
મૂકી પારેવું સામે પલ્લામાં
આ રીતે કોણ મુજને તોલે છે ?
શ્વાસના ધારદાર ચપ્પુથી
આ હવા મારું હોવું છોલે છે
0 comments
Leave comment