64 - જવું ક્યાં ? જવાના સવાલો નડે છે / મનોજ ખંડેરિયા
જવું ક્યાં ? જવાના સવાલો નડે છે
જગાએ જગાના સવાલો નડે છે
મને પારદર્શક થવાની છે ઇચ્છા,
કરું શું ? ત્વચાના સવાલો નડે છે
હું હદબહાર બ્હેકી શકું છું પરંતુ-
મને મયકદાના સવાલો નડે છે.
સકારણ નડે એતો સમજાય કિંતુ –
આ કારણ વિનાના સવાલો નડે છે
ઘણાં શબ્દ દોરી જતા અવળે રસ્તે,
સતત કાફિયાના સવાલો નડે છે
જગાએ જગાના સવાલો નડે છે
મને પારદર્શક થવાની છે ઇચ્છા,
કરું શું ? ત્વચાના સવાલો નડે છે
હું હદબહાર બ્હેકી શકું છું પરંતુ-
મને મયકદાના સવાલો નડે છે.
સકારણ નડે એતો સમજાય કિંતુ –
આ કારણ વિનાના સવાલો નડે છે
ઘણાં શબ્દ દોરી જતા અવળે રસ્તે,
સતત કાફિયાના સવાલો નડે છે
0 comments
Leave comment