ભજનિક / મનુભાઈ ત્રિવેદી 'સરોદ'

73 - ભજનિક / મનુભાઈ ત્રિવેદી 'સરોદ'

ચાલ્યો જાય છે પથિક.

એને ગરમીય ઠીક,

એને શરદીય ઠીક -

ચાલ્યો જાય છે પથિક.

નયણા નમેલ એનાં જગને ન જુવે;

શુંય રે નિહાળી ભીતર બેહદ રૂવે !

ઠોકરે જાગી એ જુવે

જગ તો જરીક -

ચાલ્યો જાય છે પથિક.

નહીં રે મારગ એનો ચરણો જે ચાલે;

ભીતરને રાહ ચાલી મનશું એ મ્હાલે;

જનમજનમ જાત્રા,

નહીં એ ક્ષણિક -

ચાલ્યો જાય છે પથિક.

મોકળે કંઠે એ ગાણું હરિવરનું ગાવે;

ઘડી નાચે, ઘડી રૂવે, ઊભો રહી જાવે;