71 - માંડ કાપ્યો તે વળી રસ્તો ન આપ / મનોજ ખંડેરિયા
માંડ કાપ્યો તે વળી રસ્તો ન આપ
મ્હેરબાની કર, સમય પાછો ન આપ
ડાળ છું જે મુક્ત થઈ ગઈ ભારથી,
શુષ્ક રહેવા દે મને, પર્ણો ન આપ
ભાંગશે ફૂલો વિષેના ભ્રમ બધા !
હાથમાં તું કોઈને ગજરો ન આપ
આપવાના છે પ્રકારો અન્ય પણ,
લાગણીનો આ રીતે પડધો ન આપ
આપવા જો હોય તો દઈ દે ચરણ !
ઊભવા આવી રીતે ટેકો ન આપ
મ્હેરબાની કર, સમય પાછો ન આપ
ડાળ છું જે મુક્ત થઈ ગઈ ભારથી,
શુષ્ક રહેવા દે મને, પર્ણો ન આપ
ભાંગશે ફૂલો વિષેના ભ્રમ બધા !
હાથમાં તું કોઈને ગજરો ન આપ
આપવાના છે પ્રકારો અન્ય પણ,
લાગણીનો આ રીતે પડધો ન આપ
આપવા જો હોય તો દઈ દે ચરણ !
ઊભવા આવી રીતે ટેકો ન આપ
0 comments
Leave comment