86 - પાણી પીએ પડછાયા / મનુભાઈ ત્રિવેદી 'સરોદ'
કેવી અજબ જેવી માયા,
પરબનાં પાણી પીએ પડછાયા !
પંડે અચળ તોય વાગી રહે જેવા
તૃષ્ણાના ઢોલ તરઘાયા
પડછાયા નીપજેલ પંડ થાકી પાતળા
જાય છે તાલમાં તણાયા.
પરબનાં પાણી પીએ પડછાયા !
પંડ નિહાળે એને અકળ અચંબે,
આ કેવા છે ખેલ સરજાયા !
થાકી લોથપોથ બનતા પંડ પડછાયા એ
છદમ ઓથે અટવાયા.-
પરબનાં પાણી પીએ પડછાયા !
પાસે પરબનાં પાણી નિહાળી
એનાં તરસે તાળવાં સુકાયાં;
માની લિયે મહા તારણહારો, જેણે
ખોબલોય પાણીડા પાયાં -
પરબનાં પાણી પીએ પડછાયા !
ચાલે છે ખેલ આવો આદિ અનાદિથી,
વાહ રે વિશ્વંભર રાયા !
શાતા સહેજ એના હૈયે સરોદ જેના
પડછાયા પંડમાં સમાયા.-
પરબનાં પાણી પીએ પડછાયા !
0 comments
Leave comment