2.21 - ધારણ ધરીએ / સંજુ વાળા
ધરીએ, થોડી ધારણ ધરીએ,
મધવ્હેણની પહેલાં થોડું કાંઠે કાંઠે તરીએ !
ઠર્યા મૂરખ તે બજાર વચ્ચે અંગત લઈને બેઠા,
એ જ ચીજ વેચાતી જેનાં નહીં નામ કે નેઠા.
ચલણ મુજબનું ચાલે એની રાવ-દાદ ક્યાં કરીએ ?
ધરીએ, થોડી ધારણ ધરીએ.
એ એનામાં હું મારામાં બન્ને એકલપેટાં,
ગમતાંની લઈ ગોત નીકળ્યાં એકબીજાંથી છેટાં.
કરી ઘુરકિયાં થાક્યાં, ચાલો હવે કરગરીએ.
ધરીએ, થોડી ધારણ ધરીએ.
૧૧/૦૮/૨૦૦૪
0 comments
Leave comment